ଭୁବନେଶ୍ୱର,୨୮/୫(ଏସ ଏସ ନିୟୁଜ)ଝାଡ଼ଖଣ୍ଡର ରାଞ୍ଚି ନିକଟରେ ବୁନ୍ଦୁ -ତାମର ସହିତ ସଂଯୋଗ କରୁଥିବା କାଞ୍ଚି ନଦୀ ଉପରେ ଏକ ସେତୁ ଗୁରୁବାର ଦିନ ବାତ୍ୟା ୟାସ୍ ର ପ୍ରକୋପରେ ହୋଇଥିବା ପ୍ରବଳ ବର୍ଷା ହେତୁ ଭୁଶୁଡି ପଡିଛି ବୋଲି ଜଣେ ଅଧିକାରୀ କହିଛନ୍ତି।ଏହି ଘଟଣାରେ ଏପର୍ଯ୍ୟନ୍ତ କୋୖଣସି କ୍ଷୟକ୍ଷତି ହୋଇନାହିଁ।
କାଞ୍ଚି ନଦୀ ଉପରେ ହୋଇଥିବା ଏହି ବ୍ରିଜ ୧୩ କୋଟି ଟଙ୍କା ବ୍ୟୟବରାଦରେ ତିନି ବର୍ଷ ପୂର୍ବେ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ନିର୍ମାଣ କରାଯାଇଥିଲା।ଉଦଘାଟନର ଦୁଇ ବର୍ଷ ମଧ୍ୟରେ ଏହାଭୁଶୁଡି ପଡିଥିଲା । ସ୍ଥାନୀୟ ଲୋକଙ୍କ କହିବାନୁସାରେ, ସେତୁ ନିର୍ମାଣ ସମୟରେ ବିଭାଗ ଦ୍ଵାରା ଧାର୍ଯ୍ୟ ନିୟମ ପାଳନ କରାଯାଇନଥିଲା । ନଦୀ କୂଳରୁ ବେଆଇନ ବାଲି ଖନନ ହିଁ ଭୁଶୁଡିବାର ଅନ୍ୟ ଏକ କାରଣ ବୋଲି ଲୋକମାନେ କହିଛନ୍ତି।
ବ୍ରିଜ ଭୁଶୁଡ଼ିବା ପରେ ବିଧାୟକ ବିକାଶ ମୁଣ୍ଡା ଘଟଣାସ୍ଥଳକୁ ଯାଇ ଅନୁଧ୍ୟାନ କରିଛନ୍ତି। ମୁଣ୍ଡା କହିଛନ୍ତି ଯେ ପୂର୍ବରୁ ଅନ୍ୟ ଏକ ସେତୁ ଭୁଶୁଡି ପଡିଥିଲା ଏବଂ ଉଭୟ ସେତୁ ସମାନ ନିର୍ମାଣକାରୀ କମ୍ପାନୀ ଦ୍ୱାରା ନିର୍ମିତ ହୋଇଥିଲା। ଏହି ଘଟଣା ପୂର୍ବରୁ ବେଆଇନ ବାଲି ଖନନ ମଧ୍ୟ ହୋଇଥିଲା।ତେଣୁ ଘଟଣାରେ ଉଚ୍ଚ ସ୍ତରୀୟ ତଦନ୍ତ ଦାବି କରାଯାଇଛି ବୋଲି ମୁଣ୍ଡା କହିଛନ୍ତି।
