ବାରଙ୍ଗ, ୫।୫(ଏସଏସନିଉଜ) ତ୍ରିଶୂଳିଆ ବାଙ୍କୀ ମୁଖ୍ୟରାସ୍ତାର ଷଣ୍ଢପୁର ଗ୍ରାମ ନିକଟରେ ବେଆଇନ ଭାବେ ହୋଇଥିବା ଏକ ହୋଡିଂ ଭାଙ୍ଗିଯାଇ ରାସ୍ତା ଉପରେ ପଡ଼ିଥିବା ବେଳେ ଅଳ୍ପକେ ବର୍ତ୍ତିଯାଇଛନ୍ତି ପଥଚାରୀ।
ପ୍ରକାଶଯେ, ବାରଙ୍ଗ ଅଂଚଳର ମୁଖ୍ୟରାସ୍ତା କଡରେ ବେଆଇନ ଭାବେ ନିର୍ମାଣ ହୋଇଥିବା ହୋଡିଂ ଅତି ବିପଦପୂର୍ଣ୍ଣ ଭାବରେ ରହିଛି। ସ୍ଥାନୀୟ ପ୍ରଶାସନର କୌଣସି କଟକଣା ରହୁନଥିବାରୁ ହୋଡିଂ ନିର୍ମାଣ କାରୀ ସଂସ୍ଥା ମୁଖ୍ୟରାସ୍ତା କଡରେ ଛତୁ ଫୁଟିବା ଭଳି ବେଆଇନ ନିର୍ମାଣ କରିଚାଲିଛନ୍ତି। ଷଣ୍ଢପୁର ଗ୍ରାମ ନିକଟରେ ରବିବାର ରାତିରେ ଏକ ଅଘଟଣ ଘଟିଛି । ଶନିବାର ରାତିରେ ହୋଇଥିବା ବର୍ଷା ପବନରେ ମୁଖ୍ୟରାସ୍ତା କଡ଼ରେ ବେଆଇନ ଭାବେ ହୋଇଥିବା ହୋଡିଂ ମୂଳରୁ ଅଧା ଭାଙ୍ଗି ରହିଥିଲା।ରବିବାର ଅର୍ଦ୍ଧ ଭଗ୍ନ ଅବସ୍ଥାରେ ଥିବା ହୋଡିଂ ତଳେ ପଡିଯାଇଥିଲା।ଷୌଭାଗ୍ୟ ବଶତଃ ସେହି ସମୟରେ କୌଣସି ପଥଚାରୀ ଆସୁନଥିବାରୁ ଏକ ବଡ ଦୁର୍ଘଟଣାକୁ ଏଡ଼ାଇ ଦିଆଯାଇ ପାରିଥିଲା।ଏହି ଘଟଣା ପରେ ବାରଙ୍ଗ ଅଂଚଳର ବୃଦ୍ଧିଜୀବିମାନଙ୍କ ମଧ୍ୟରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି।(ଜିତ୍ ରାଉତଙ୍କ ରିପୋର୍ଟ)
- Advertisement -
